My right to freedom from discrimination (Introduction)

  • Introduction

For Naija to fit achieve national co-operation to dey solve problems of economic, social, cultural, or humanitarian character, and for us to dey promote respect for human rights and fundamental freedom and make pesin no dey diffrentate from race, sex, language, or religion, n aim make our right to freedom from discrimination must dey guarante.

The universal declaration of human rights[1] support this rights as foundation of freedom, justice and peace for this  world”.[2] Aricle one of the Declaration come talk sey:

Na everybody dem born free and equal for dignity and rights. Dem dey reason and get Conscience and dem suppose act towards one another for spirit of brotherhood.


Discrimination na one way to violate pesin rights”[3] and dis don destroy lives and properties.

Section 42 for our 1999 come talk sey:


Naija citizen wey come from a particular community, ethnic group, place of origin, sex, religion or political opinion no go-

  • Dey subjected to disabilities or restrictionsuntop which citizens of Nigeria for other communities, ethnic groups, places of origin, sex, religion or political opinionsno dey subject to; or
  • Make dem any privilege or advantage wey dem no give other Naija citizen wey come from other communities, ethnic groups, places of origin, sex, religion or get political opinion.


Our constitution come talk again about how important e be make we no dey discriminate against another. Section 15(2) come talk sey “make we encourage national integration but make we no discriminate becos of place of origin, sex, religion, status, ethnic or language association or ties.”

We dey always talk am for Constitutional Rights Awareness and Liberty Initiative sey no body choose where dem born am o. we just grow up come discover sey na one  town, villages, states or name we dey bear. We no suppose hate another pesin bcos he no come from our village or bcos no be our parent born am.. make we no dey discriminate either by action even govment dem no suppose discrminate.


[1] 10 December 1948, A.G Re. 217 A(iii), Doc. N.U. A/8/10 (1948)

[2] Kehinde M. Mowoe Constitutional law in Nigeria 2008 Malthouse Law Books . p 499

[3] Gasiokwu M.O.U. ,Human Rights. History Ideology and law, (CA FAB Education books, Jos Nigeria 2003) p. 224

Dem fit do me bad bele bcos I be man or woman, or becos I waka come from one area or tribe?

Any distinction, exclusion, restriction or preference becos of sex, colour (albinism) race, town, villages, tribe, ethnic region, geo-political zones just sideline pesin make e no enjoy wetin other Nigerian fit benefit our constitution no gree at all.

Wetin be rights of women on top culture, burial, native tradition mata or when time reach to share property?

To dey discriminate against woman na act wey dey unlawful for Nigeria.

Section 15 and 16 for Convention on the Elimination of all forms of Discrimination (CEDAW)[1] condemn discrimination for women for parental rights mata, reproductive rights wey relate to how to space pikin of number of pikin pesin wan born, or make dey dey push women aside on top property, family name wey woman fit use, kain profession for women or untop education mata.

Some practices still dey for some are for Nigeria against women especially for traditional and cultural practices ontop inheritance, burial rights, political empowerment, child marriage, marital and parental rights wey no supoose be.

On discriminatory practices wey relate to make woman inherit property or for burial rights, some women don dey fight for dem right as dem don dey go court. For ne case wey dem dey call Onwo v. Oko[2] a member of the Assemblies of God talk sey em discriminate against am the wey dem treat am make she mourn pesin wey don die for her community wey go against her belief Court of Appeal come give judgement wey favour the woman .

Also for the case of Augustine Nwafor Mojekwu v. Caroline Mgbafor Mojekwu[3], dem explain sey under Olu Ekpe custom for Anambra state, na only male child go inherent dem papa property. If male child wey suppose inherit the property come die where he no get male child, n aim papa brother go inherits dem papa property. If dem papa brother die, na the brother son go inhereit all dem papa property. The Court of Appeal come condem the practice.

Our people, we dey respect culture, religion and custom well well but dey sey make we no do am against our women or brothers.

[1] UN, Treaty series, vol. 660, p. 195

[2] (1996) 6 NWLR (Pt. 456) 584

[3] (1997) 7 NWLR (Pt. 512) 288

Wetin be my righst if people dey do bad bele for me because I get my own religion?

Our constitution forbid any discrimination action for our govment as it give everybody right to practice im religion as e dey perform im duty.

No body suppose discriminate against another ontop religion or becos the pesin na free thinker, Muslim, Christian, or e dey worship traditional religion or e dey worship anything wey he n aim god.

Dem fit dey hate pesin on top sey he get opinion ontop political mata?

The trend now be sey some people no wan tolerate other people political opinion if dem no dey for the same page ontop political mata. This one don cause serious fight among people ontop Facebook, Twitter dem and e no supoose be so.

The constitution no gree make we discriminate against another ontop political opinion or bcos we share different polical philosophy.  If we no dey the same political party, that no suppose sey make I hate you or make you hate me.

Because dem born me outside marriage, I wan know if law protect me and people wey dem dey call Osu caste?

Section 42(2) ofor our Constitution come again talk sey:


Nbody go disvriminate another Nigeria citizen ontop how dem take born am.


With wetin dey provision talk, pikin wey dem born out of wedlock, dem no fit treat am anyhow when time reach to share property if papa wey born am as im pikin.[1] This provision dem don use am to protect people wey dem dey call osu caste for the eastern Nigeria.[2]

[1] Mandara v. Attorney General of the Federation (1981) 4 SC 8

[2] Ebiriukwu v. Ohanyerenwa (1959) 4 FSC 212