My right wey sey make anybody no pokenose to my affairs (Privacy)

  • Introduction

Na two important thing right to privacy give us. The first one na about pesin right on which kind information he wan make people get about am. Second one na about kain independence, or freedom wey person get to do or make he no things if he like.[1]

Section 37 of our Constitution come sey;

 

All Nigerians get right for privacy for dem house, letters, wetin dem dey talk for phone, wetin dem dey type for telegraphic and this right dey protected

 

If you no be Naija pesin, you come from another country dey live for obodo Nigeria, you fit claim right to privacy but dat one go sweet you better under dem international laws wey Nigeria don put hand sign.

[1] Johnny H. Killian & Leland E. Beck, The Constitution of the United States of America, Analysis and Interpretation (United States Government Printing Office, Washington 1981) p. 1583-3

If dem wan stop and come dey search me, no be sey dem wan fall my hand or dey try me be dat?

Police get power to search pesin for Nigeria[1]. The law wey we dey call Police Act talk sey police officer fit detain and search pesin if he believe in a reasonable way sey the suspect dey carry anything wey he believe sey the pesin thief am or carry am in a way wey law no gree.

If police search pesin, the reasonable wey to do am as we dey talk na the same wey court go look weda the action of the police when he dey arrest pesin dey reasonable. Infact how dem dey take no reasonable arrest na tru objective test wey mean sey weda a good man wey dey reasonable go fit do am the wey police do.[2]

If police arrest pesin, the police fit search am. The police officer fit remove anything wey he found ontop the accuse but dem police no suppose remove him clothes.[3]

Make we talk am sey if dem arrest pesin and put am for custody in the wey law talk am, dem fit carry out medical test  ontop am if the test go show evidence sey na true true the pesin don commit offence[4]. This one fit work for people wey dey carry someting inside body like cocaine and heroin.

The law give dem Officers power make dem search pesin wey dem believe sey he dey carry market enter country where he suppose pay duty money or he dey avoid payment, or he dey carry things wey our laws no gree if the pesin dey for custom area.[5]

[1]Section 25 of the Police Act 1967

[2]– Jackson v. Omorokuna (1981) 1 NCR 283; and Commissioner of Police v. Obolo (1989) 5 NWLR (Pt. 20) 130.

[3]section 6(1) of Criminal Procedure Act and section 44(2) of Criminal Procedure Code.

[4]section 6(6) of Criminal Procedure Act and section 127 of Criminal Procedure Code

[5]Section 150 of Customs and Excise Management Act 1958

PoliceMAN fit dey press my wife ontop sey him wan search am?

People don ask us this question plenty time for our #KnowYourRightsNigeria radio show wey we do every week for UNILAG 103.1 FM. The law talk sey na only woman must search another woman[1] and the search self suppose by a one wey dey decent[2].  We suppose let you know sey wetin we dey talk here na woman body o. a man fit search a woman bag, purse and other things wey she carry. No law talk sey a woman no fit search a man o but in practice, na man dey search man but the search suppose dey decent.

[1]section 6(2) of Criminal Procedure Act and section 44(3) of Criminal Procedure Code (S.150(1)(b)(ii) Customs and Excise Management Act 1958),

[2]section 82 of Criminal Procedure Code

Dem police search me com collect my ogbonge phones and jewelries, dem no com release am after dem comfirm sey I be innocent. Wetin I go do?

Where police arrest or search pesin and no come release everything wey dem collect from am after dem don confirm sey he no get case to answer, the police don dey fight fight for im personal interest against the interest of the state. If pesin be innocent and dem don confirm am, everything wey dem sieze from him dem must to return to am.[1]

[1] Kehinde M. Mowoe, Constitutional law in Nigeria 2008, Malthouse law books p. 408/409

Dem fit search my house and wetin go fit make Security people come search my house?

If dem wan search your house, the law be sey dem must to bring search warrant before dem fit search your premises. Na few occasion dem fit no need search warrant. This na becos the law self dey protect our home. If dem wan search pesin house, police must obtain search warrant. If pesin wey dem police wan arrest dey hide for inside one pesin house, dem police fit search the house without warrant to arrest the pesin.[1]

This search warrant wey we dey talk, Magistrate fit issue am if e dey satisfy with information wey dem write on oath wey dey reasonable to believe sey dem dey use building, ship, carriage, place to dey commit crime[2].

Pesin wey dey execute the search warrant fit sieze anything wey dem dey use for crime and carry am go show Magistrate wey issue the warrant or another Magistarate so that dem go fit do take legal action ontop the mata. The search warrant fit direct self sey make dem arrest people wey dem find inside for premises wey dem dey search.[3]

Oga for police fit issue warrant arrest too but na only if items wey dem wan search na stolen property. If for the premise wey dem wan search, dem come find pesin wey just return from jail within 12 months for offence like he dey receive stolen goods, he dey habour thieves, he dey do fraud or commit offence wey fit carry person go prison – dem must to allow officer wey carry the warrant into the premises to search am. If the officer sieze property inside the premises wey he search, he fit arrest the pesin wey occupy the premises and bring am before Magistrate to come explain how the goods take dey for im prmise. Where dem no come allow the officer make he enter the premise, the law permit the person wey dey execute the warrant to break into and enter the premises make e fit carry out the search warrant.[4]

Again, a police fit break out of the premises after he don execute the warrant[5]. The persin wey dey execute the search warrant fit search any pesin wey dey the premises if he believe reasonably belief sey the pesin dey carry waterver he dey searched for[6].

[1]section 7 of CPA and section 34 of CPC.

[2]section 107(1) of CPA

[3]section 107 of CPA and section 74 of CPC.

[4]section 112 and 7(2) of CPA.

[5]section 8 of CPA

[6]– section 112(3) of CPA and section 81(1) of CPC.

Dem suppose search my house when I no dey for house?

On this kind mata, section 78(1) for Criminal Procedure Code talk sey if dem one search premises, dem must do am in the presence of two respected neighbors wey the person wey dem wan search him call by himself. But court fit no include make neighbour witness the search if the situation no require witnesses.

Wetin police dey search for motor self and why dem dey block road?

Police officer fit and e fit no use warrant to search things like vehicle, ship, and an aircraft but nature of wetin dem dey search go determine if dem go use warrant or not.

Custom officers dem get power to search any vehicle, ship or aircraft without warrant if dem reasonably belief suspect dey use am carry goods wey dem supposes sieze.[1]

A police officer fit conduct a search ontop a thing wey he reasonably belief sey contain illegal thing even if e no get search warrant because the officer get duty make he no allow crime happen[2].

The police power to dey mount road block and dey do stop and search, and the power to detain and search vehicle wey dem reasonably suspect sey carry unlawful thing dey for Section 25 of the Police Act. This power no sey make dem dey extort money from motorist o.

[1]section 149 of the Customs and Excise Management Act

[2]section 4 of the Police Act

My neigbhour come take bad belle go lie to police sey make dem search my house, but dem no see any bad thing dia. I fit challenge the bad belle person?

The law sey if somebody go lie and complain against another wey come make the police go search a premise with search warrant, pesin wey complain wrongly go enter gbege.

Such person wey go lie fit enter trouble becos he take bad belle go lie against another pesin. In one case of Balogun v. Amubikahu[1], the Supreme Court talk sey even for the matter, na police go arrest, detain and prosecute somebody, the real pesin wey dey liable and face the the trouble na pesin wey go take bad belle go lie criminally wey come make police react.

[1](1989) 3 NWLR (Pt. 107) 18

If I comot belle, no be my private affair?

Under our law for obodo Nigeria, abortion na crime o.

Pesin wey be doctor, boyfriend, herbalist, parents, friend who wan do miscarriage for a woman wether e get belle or e no get, and come use something for am or poison or use any force for am or use any other means don enter trouble be dat” [1]

A woman wey wan comot belle come do everything wey we talk above now don enter trouble.[2]

Any pesin who come illegally supply or get anything wey he wan use to comot belle for woman who get belle or no get belle, don comit crime.[3]

[1] Section 228 of the Criminal Code

[2] Section 229 of the Criminal Code

[3] Section 230 of the Criminal Code

Pikin rights: who dem suppose they live with and wetin be parents rights ontop dem pikin bcos me i dey beat stubborn pikkin wella o

For obodo Nigeria, parents get rights ontop how dem dey raise dem pinkin. On who go get the right to put pinkin for im custody, na court dey decide that one o. wetin court consider na who go fit propmote the child welfare well.

Parents rights ontop dem pinkin which include the “rights, powers, freedom and responsibility which parents get dey for international law wey Nigeria too don put hands sign”[1]

Under the Convention on the Right of Child, Nigeria and many country dem wey don sign the convention like Nigeria go respect the duties, rights wey parents get ontop dem pikin and where local custom respect rights of dem family members for as law take protect child rights”

The convention come accept the rights of parents on condition sey if the parents rights no go against the rights of the child. The convention say na parent go get dem pinkin for dem custody but e fit no be so if the pinkin interest no dey protected under such parents.

Right of parent wey dey raise im pikin cover make parents determin pikin education, religion education, and other things wey go teach the pikin good moral till the pinkin go don reach age where he/she go don mature to dey take decision for himself.

Dem no fit make child to dey receive instruction ontop religion or education matter wey no be im religion or wey him parents or guardian no approve.

Parents rights cover assistance or services wey pikin fit do for the parents,[2] the right to discipline and rebuke the pikin”[3]

Kind punishment wey such parent go give pikin no suppose bo one wey go fit put the life of the pinkin in danger. Parents fit commit crimeor go prison if dem go discipline pinkin in hard way.[4]

Parents get power to consent to the marriage and collect dowry when there pinkin reach time to marry[5]

 

[1] J. M. Eckeedar “What are Parental Rights?” (1973

[2] Animashawun v. CT Wang 1974 11 CC HCJ 1793 quoted by E.N.U. Uzodike, Implications and Limits of Parental Rights in Nigeria, published in the African Society of  International and Comparative Law, Vol.2 pt 2, p. 282

[3] E.N.U Uzodike, op. cit., p. 287

[4] Section 295 OF THE Criminal Code

[5] Osanwonyi v. Osanwonyi (1973) 3 UILR 527.